ભાવનગરઃ સિહોરમાં આંબેડકર ચોકમાં કોઈએ ડો. બાબાસાહેબ આંબેડકરની પ્રતિમાનો ડોલથી ચહેરો ઢાંકી દીધો હતો. આ સાથે જ પ્રતિમાની બાજુમાં દારૂની બોટલ મૂકી દીધી હતી. સમગ્ર ઘટનાને પગલે દલિત સમાજના લોકોમાં રોષ જોવા મળ્યો હતો. આ ઘટનામાં અજાણ્યા માણસ સામે તાત્કાલિક કાર્યવાહી કરવા માગ ઊઠી છે.
દલિત સમાજમાં રોષ જોવા મળ્યો
૧૩મી જુલાઈએ સવારે ૮:૦૦ વાગ્યે ડો. બાબાસાહેબની પ્રતિમા પર ડોલ દેખાઈ અને બીજુમાં દારૂની બાટલી દેખાઈ જેથી દલિત સમાજના લોકો તાત્કાલિક ઘટનાસ્થળે ભેગા થવા લાગ્યા હતા. એ પછી સમગ્ર ઘટનાની જાણ પોલીસને કરવામાં આવી હતી. જ્યાં સુધી આ કૃત્ય કરનાર ન ઝડપી લેવામાં આવે ત્યાં સુધી કેટલાકે પ્રતિમા પાસે જ રહેવાની ચીમકી ઉચ્ચારી હતી.
