વેરાવળઃ સોમનાથ ટ્રસ્ટે ૩ પ્રકારની સુવર્ણ યોજના અમલમાં મૂકી છે. જેમાં મંદિરના ધુમ્મટ પરના કળશને સોનાથી મઢવાનું આયોજન છે. આ અંતર્ગત રૂ. ૧.૫૧ લાખ, રૂ. ૧.૨૧ લાખ અને ૧.૧૧ લાખના કળશ સોનેથી મઢવામાં આવનાર છે. આ માટે દાતાઓની નોંધણી પણ કરાઈ છે. કોરોનાને કારણે જે દાતાઓ ન આવી શકે તેઓને ઓનલાઇન કળશ પૂજા કરાવીને સોમનાથ મહાદેવના શિખર પર કળશ ચઢાવાઈ રહ્યાં છે. તાજેતરમાં જ રૂ. ૧.૨૧ લાખના ૬૬ કળશ ધુમ્મટ પર ચઢાવાયા છે. આ કળશોની કુલ કિંમત રૂ. ૭૯.૮૬ લાખ જેટલી થાય છે.
