ટોરોન્ટોઃ લોકપ્રિય ઈન્ડો-કેનેડિયન ટિકટોક સ્ટાર અને સોશિયલ મીડિયા ઇન્ફ્લુએન્સર મેઘા ઠાકુરનું નિધન થયું છે. તે 21 વર્ષની હતી. મેઘાના માતા-પિતાએ પુત્રીના નિધનની પુષ્ટિ કરતી પોસ્ટ શેર કરીને દુનિયાને આ દુઃખદ સમાચાર આપ્યા હતા. ટિકટોક સ્ટારના માતા-પિતાએ ઇન્સ્ટાગ્રામ પોસ્ટમાં લખ્યું છે, ‘મેઘા એક આત્મવિશ્વાસુ અને આત્મનિર્ભર યુવતી હતી. તે તેના ચાહકોને ખૂબ પ્રેમ કરતી હતી, તેથી તે ઇચ્છતી હતી કે દરેકને તેના મૃત્યુ વિશે ખબર પડે. આ સમયે, અમે મેઘા માટે તમારી પ્રાર્થના અને સંવેદના માંગીએ છીએ.’
ઉલ્લેખનીય છે કે મેઘા ઠાકુર સોશિયલ મીડિયા પર તેના લુક અને કર્વી ફિગર માટે ફેમસ હતી. તે ઘણી વાર બોડી પોઝિટિવિટી વિશે વાત કરતી હતી અને તેના ફેન્સને પ્રોત્સાહિત કરતી રહેતી હતી. તે મૂળ મધ્ય પ્રદેશના ઈન્દોરની વતની છે, પરંતુ તે તેના માતા-પિતા સાથે કેનેડાના ઓન્ટારિયોના બ્રામ્પટનમાં રહેતી હતી. ટ્વિટર પર તેના 93,000 ફોલોઅર્સ અને ઇન્સ્ટાગ્રામ પર 102,000 ફોલોઅર્સ હતા.
