અમેરિકાએ પાકિસ્તાનને રૂ. ૨૦૯૫૯ કરોડની સહાય રોકી

વોશિંગ્ટનઃ અમેરિકાએ ચાલુ વર્ષે પાકિસ્તાનને અપાનારી ૩ અબજ ડોલર એટલે કે રૂ. ૨૦૯૫૯ કરોડની સંરક્ષણ સહાય રોકી છે. ટ્રમ્પ વહીવટી તંત્રએ જાહેર કરેલી રૂ. ૯૦૮૧ કરોડની રકમ કરતાં આ બમણી રકમ છે. સૂત્રોના જણાવ્યા અનુસાર આ અંગે સત્તાવાર કોઈ જાહેરાત કરાઈ નથી, પણ શક્યતા એવી છે કે ટૂંક સમયમાં તેની જાહેરાત કરાશે. ટ્રમ્પ એવું માને છે કે પાકિસ્તાને ત્રાસવાદ વિરુદ્ધ છેડેલા અભિયાનમાં અપેક્ષિત કાર્યવાહી કરી નથી.