એનઆરઆઇ પુરુષો માટે લગ્નના ૩૦ દિવસમાં નોંધણી ફરજિયાત

નવી દિલ્હીઃ હવે કોઈ એનઆરઆઈ પુરુષ ભારતીય મહિલા સાથે લગ્ન કરે તો તેવી સ્થિતિમાં આવા લગ્નની નોંધણી કરાવવી ફરજિયાત થઈ શકે છે. સરકાર આ માટે એક વિશેષ બિલ લાવી છે જે આવા લગ્નની નોંધણીને ફરજિયા બનાવે છે. હાલ આ બિલને વિદેશી બાબતોની સંસદીય કમિટીને સોંપવામાં આવ્યું છે.
ભારતીય મહિલાઓ સાથે લગ્ન કર્યા બાદ એનઆરઆઈ પુરુષો વિદેશમાં લઈ જઈને મનમાની રાખે છે અથવા તરછોડી દે છે. જોકે, આવું ન થાય તેથી હવે એનઆરઆઈ પુરુષોએ ભારતીય મહિલા સાથે લગ્ન કરે તેના ૩૦ દિવસની અંદર લગ્નની નોંધણી કરાવી લેવાની રહેશે. જો આ નિયમોનો ભંગ કરાય તો તેવા કિસ્સામાં પાસપોર્ટ જપ્ત અથવા રદ્દ થઈ શકે.