અમેરિકામાં અશ્વેત જ્યોર્જ ફ્લોઈડના મૃત્યુ પછી દુનિયાભરમાં વિવાદિત સ્મારકો ઉપર હુમલા વચ્ચે નેધરલેન્ડના એમ્સટરડમમાં અજ્ઞાત અસામાજિક ત્તત્વોએ મહાત્મા ગાંધી પ્રતિમા ઉપર રંગોનો સ્પ્રે છાંટ્યો હતો. ડચ અખબારના અહેવાલ અનુસાર એમ્સટરડમના ચર્ચિલાન ઉપર ગાંધીજીની પ્રતિમાને લાલ રંગ કર્યો હતો. આ સાથે ત્યાં વંશવાદી ટિપ્પણી લખી હતી. શહેરના એક અધિકારીએ કહ્યું કે તેઓ કોઇપણ ભાંગતોડના વિરુદ્વમાં છે. અને પ્રતિમા ઉપર રંગોનો છંટકાવ અસ્વીકાર્ય છે. તેમણે એમ પણ કહ્યું હતું કે, પ્રતિમાને સાફ કરવામાં આવશે.
