એમ્સ્ટર્ડમ: નેધરલેન્ડ્સના એમ્સ્ટર્ડમના અલ્મેરેમાં હાલ ફ્લોરલ એક્સ્પો ચાલી રહ્યો છે. નેધરલેન્ડ્સનો આ સૌથી મોટો હોર્ટિકલ્ચર એક્સ્પો છે, જે દસ વર્ષે એક વાર યોજાય છે. આ એક્સ્પો આગામી 9 ઓક્ટોબર સુધી ચાલશે. તેમાં દુનિયાભરના ૪૦૦થી વધુ લોકોએ ભાગ લીધો છે. આ વર્ષે એક્સ્પોની થીમ ‘ગોઈંગ ગ્રીન સિટીઝ’ છે. આ દરમિયાન ૪૦થી વધુ દેશ શહેરી પર્યાવરણના કાયમી ઉકેલ અંગે માહિતી આપશે. અહીં બેલ્જિયમનું પેવેલિયન આકર્ષણનું કેન્દ્ર છે. તેમાં ટેક્નોલોજીની મદદથી પ્રકૃતિ સાથે તાલમેલ બેસાડવા વિશે જણાવાઈ રહ્યું છે. આ એક્સ્પો ખતમ થયા પછી તે સ્થળને હર્યુંભર્યું અને નાનકડા સુંદર શહેર તરીકે પુનનિર્મિત કરાશે. તેમાં ઘરો અને અન્ય રહેણાક સુવિધાઓ પણ હશે.
