સાંકળોથી બંધાયેલાં ૧૦૦ બાળકો બોર્ડિંગ સ્કૂલમાંથી મુક્ત કરાવાયા

નાઈજિરિયાઃ કડુના વિસ્તારમાં એક ઈસ્લામિક બોર્ડિંગ સ્કૂલમાંથી ૩૦૦થી વધારે પુરુષો અને બાળકોને છોડાવાયાં છે. એમાં ૧૦૦ બાળકો એવા હતાં જેમને સાંકળોથી બાંધી રખાયાં હતાં અને એમાં ૯ વર્ષના માસૂમ બાળકોનો પણ સમાવેશ છે. બંધક બનાવાયેલા બાળકોનું બોર્ડિંગ સ્કૂલનો સ્ટાફ શારીરિક શોષણ પણ કરતો હતો. પોલીસે સ્કૂલના માલિક અને છ સ્ટાફ મેમ્બર્સની ધરપકડ કરી છે. બોર્ડિંગ સ્કૂલમાં કુરાનનું શિક્ષણ અપાતું હતું. બાળકોને મમ્મી-પપ્પાને લાગતું કે તેમના બાળકોને પવિત્ર શિક્ષણ મળી રહ્યું છે, પણ તેમના પર સૌથી વધારે અત્યાચાર ગુજારાતો હતો. આ સિવાય ડ્રગ્સની લત ધરાવતા લોકોને એનાથી છુટકારો અપાવવા અને બીમાર લોકોનો ઉપચાર કરાવવા માટે પણ આ બોર્ડિંગમાં રખાતા હતા. આ તમામને તદ્દન અમાનવીય પરિસ્થિતિમાં રાખવામાં આવતા હતા. ૧૦ વર્ષથી કાર્યરત આ સ્કૂલમાં બાળકોનું શોષણ કરાય છે એવી માહિતિ પ્રાપ્ત થતાં પોલીસે દરોડો પાડ્યો હતો.