નવી દિલ્હીઃ રિલાયન્સ ઇન્ડસ્ટ્રીઝની પેટા કંપની રિલાયન્સ રિટેલમાં સાઉદી અરેબિયાનું પબ્લિક ઇન્વેસ્ટમેન્ટ ફંડ (પીઆઈએફ) રૂ. ૯૫૫૫ કરોડમાં ૨.૦૪ ટકા હિસ્સો ખરીદશે તેમ રિલાયન્સ ઇન્ડસ્ટ્રીઝે એક નિવેદનમાં તાજેતરમાં જણાવ્યું છે. રિલાયન્સ ઇન્ડસ્ટ્રીઝ અને રિલાયન્સ રિટેલ વેન્ચર્સ લિમિટેડ (આરઆરવીએલ) જાહેરાત કરી હતી કે, પીઆઈએફ રિલાયન્સ ઇન્ડસ્ટ્રીઝની સબસિડરી આરઆરવીએલમાં ૯૫૫૫ કરોડ રૂપિયાનું રોકાણ કરશે. આ સમજૂતી માટે રિલાયન્સ રિટેલનું મૂલ્ય ૪.૫૮૭ લાખ કરોડ રૂપિયા આંકવામાં આવ્યું છે. ૯૫૫૫ કરોડ રૂપિયાના રોકાણના બદલામાં પીઆએફને આરઆરવીએલનો ૨.૦૪ ટકા હિસ્સો મળશે.
