૧૮૦૦ શીખ શ્રદ્ધાળુઓને ભારતીય અધિકારીઓને મળતા રોકાયા

નવી દિલ્હીઃ ભારતથી ૧૮૦૦ શીખ તીર્થ પ્રવાસી બૈશાખી મનાવવા ૧૦ દિવસ માટે રાવલપિંડીના ગુરુદ્વારાએ ગુરુ ગ્રંથસાહિબ ગયા હતા. કેટલાક અન્ય સ્થળે જવાનું પણ તેમનું આયોજન છે. પાકિસ્તાને આ શ્રદ્ધાળુઓને પાકિસ્તાનના ભારતીય હાઈ કમિશનના અધિકારીઓને મળતા અટકાવ્યા હતા અને પ્રોટોકોલ પણ નિભાવવા દીધો નહોતો. ભારતીય વિદેશ મંત્રાલયે કહ્યું કે, આ અયોગ્ય વર્તણૂક છે. એક સામાન્ય પ્રક્રિયા છે કે ભારતીય અધિકારીઓને ત્યાં જતા શીખ તીર્થયાત્રાઓને મળવાની છૂટ હોય છે. કાઉન્સેલર અને પ્રોટોકોલ પ્રક્રિયા હેઠળ આ છૂટ મળે છે. તેનો આશય મેડિકલ ઇમર્જન્સી અથવા અન્ય કોઈ સમસ્યામાં એકબીજાની મદદ કરવાની હોય છે.