આ સાથેની તસવીરમાં જોવા મળતાં ૮૮ વર્ષના દાદીમાનું નામ રુથ રડ છે અને તેઓ ટિકટોકના સુપરસ્ટાર એમ કહેવામાં લગારેય અતિશ્યોક્તિ નથી. આ દાદીમાના ફેન્સની સંખ્યા ત્રણ કરોડથી વધુ છે. આ રુથદાદીએ તેમની પૌત્રીના એક વીડિયોમાં મજાક-મસ્તીમાં પહેલી વખત ડાન્સ કર્યો હતો. આ વીડિયોએ એવી તે ધૂમ મચાવી કે તેઓ છવાઇ ગયા. ત્રણ સંતાનો, નવ પૌત્ર-પૌત્રી અન બે પ્રપૌત્ર-પ્રપૌત્રી ધરાવતા આ દાદીમાને પછી તો જાણે જુવાનિયાઓ જેવો ટીકટોકનો ચસ્કો લાગ્યો. દાદીમાએ તેમના મનમોજી ડાન્સના જ નહીં, ફૂટબોલનું કૌશલ્ય દર્શાવતા વીડિયો અપલોડ કર્યા અને તેને પ્રચંડ પ્રોત્સાહન પ્રતિસાદ સાંપડ્યો. તેમના અમુક વીડિયોને તો પાંચ લાખથી વધુ વ્યૂ મળી ચૂક્યા છે.
