‘ધ ગ્રેટ એન્ડ ગ્રાન્ડ સ્વીટ ડેસ્ટિનેશન’

થાઈલેન્ડમાં આઈસક્રીમની થીમ પર અનોખો પાર્ક સાકાર થયો છે જે વિશ્વભરના સહેલાણીઓ માટે આકર્ષણનું કેન્દ્ર બની રહ્યો છે. આ પાર્કનું નામ છે ‘ધ ગ્રેટ એન્ડ ગ્રાન્ડ સ્વીટ ડેસ્ટિનેશન’. આ પાર્કને અલગ અલગ ડેઝર્ટ્સની થીમ પર સજાવવામાં પણ આવ્યો છે, જે વિલી વોન્કાની ચોકલેટ વર્લ્ડ મૂવી જેવો દેખાય છે. અહીં આવતાં સહેલાણીઓનું કહેવું છે કે આ પાર્કનો નજારો કોઈ એનિમેટેડ ફિલ્મ જેવો લાગે છે. આ અનોખા થીમ પાર્કમાં તમામ વયના લોકોને મોજ કરાવે તેવી 60થી વધુ રાઈડ અને ઝૂલા પણ છે.