18મી સદીના બ્રિટિશ વડાપ્રધાનની સોનાની વીંટી 9500 પાઉન્ડમાં વેચાઇ

લંડનઃ બ્રિટનના પૂર્વ વડાપ્રધાન જ્યોર્જ ગ્રેનવિલેની સોનાની વીંટી 9500 પાઉન્ડમાં વેચાઇ છે. 85 વર્ષીય મેટલ ડિટેક્ટોરિસ્ટ ટોમ ક્લાર્કને આયલ્સબરી, બકિંગહામશાયરમાં સ્થિત ઘેટાં ચરાવવાના એક ઘાસના મેદાનમાંથી આ વીંટી મળી આવી હતી. જ્યોર્જ ગ્રેનવિલે વર્ષ 1763થી 1765 વચ્ચે બ્રિટનના વડાપ્રધાન રહ્યા હતા. નૂનાન્સ મેફેર ખાતેની હરાજીમાં એક અમેરિકન દ્વારા આ વીંટી ખરીદવામાં આવી હતી. જ્યોર્જ ગ્રેનવિલે દ્વારા અમલી બનાવાયેલા કાયદાઓનો તત્કાલિન અમેરિકન કોલોનીઓમાં ભારે વિરોધ કરાયો હતો જેના પગલે કિંગ જ્યોર્જ ત્રીજાએ તેમને વડાપ્રધાનપદેથી બરખાસ્ત કર્યા હતા.