60 વર્ષ પહેલાંના રેપ અને હત્યા કેસમાં 92 વર્ષીય વૃદ્ધની ધરપકડ

લંડનઃ 60 વર્ષ પહેલાં એક મહિલા પર બળાત્કાર ગુજારી તેની હત્યાના આરોપસર પોલીસે બ્રિસ્ટોલના 92 વર્ષીય વૃદ્ધની ધરપકડ કરી છે. 1967માં 75 વર્ષીય લૂઇસા ડ્યુન બ્રિસ્ટોલના ઇસ્ટોન વિસ્તારના તેના નિવાસસ્થાનમાંથી મૃત હાલતમાં મળી આવી હતી. પોલીસે ગયા વર્ષે આ કેસની સમીક્ષા શરૂ કરી હતી અને મંગળવારે સવારે ઇપ્સવિચના 92 વર્ષીય વૃદ્ધની ધરપકડ કરી હતી. પોલીસે જણાવ્યું હતું કે, અમારી તપાસમાં નોંધપાત્ર સફળતા પ્રાપ્ત કર્યા પછી અમે આ ધરપકડ કરી છે. ડિટેક્ટિવ ઇન્સ્પેક્ટર ડેવ મર્ચન્ટે જણાવ્યું હતું કે, છેલ્લા 6 દાયકાથી વણઉકેલાયેલા રહેલા કેસમાં મળેલી સફળતા અત્યંત મહત્વની છે.