અજય દેવગણે યુકેમાં ધ્વજ ફરકાવી સ્વાતંત્ર્ય દિન ઉજવ્યો

ભારતનો 78મો સ્વાતંત્ર્ય દિન ગુરુવારે ઉજવાયો ત્યારે ઘણા ફિલ્મ કલાકારોએ સોશિયલ મીડિયા પર પોતાની લાગણીઓ વ્યક્ત કરી હતી. કોઈએ મિત્રો સાથે ઉજવણી કરી તો કોઈએ પરિવાર સાથે તેની ઉજવણી કરી હતી. અજય દેવગણે યુકેમાં પોતાની આવનારી ફિલ્મ ‘સન ઓફ સરદાર 2’ની ટીમ સાથે ધ્વજ ફરકાવીને સ્વાતંત્ર્ય દિન ઉજવ્યો હતો. આ પ્રસંગનો તેનો વીડિયો વાયરલ થયો છે. અજયે આ વીડિયો ઇન્સ્ટાગ્રામ પર પોસ્ટ કરતા કેપ્શનમાં લખ્યું હતું, ‘ઘરથી દૂર, પરિવારથી દૂર અને આપણા દેશથી દૂર આ ખાસ દિવસે, પરંતુ તેની મહાનતા, તેની ઊર્જા અને આપણા લોકોની શક્તિની ઉજવણી કરી રહ્યા છીએ તે ઘણું અર્થપૂર્ણ અને શક્તિશાળી અનુભવાય છે. સન ઓફ સરદાર-2ની ટીમ તરફથી સ્વાતંત્ર્ય દિનની શુભેચ્છાઓ.’ આ ફિલ્મ ઉપરાંત અજય દેવગણ હવે ‘સિંઘમ અગેઇન’માં જોવા મળશે. આ વર્ષમાં અજય દેવગણની ત્રણ ફિલ્મો રિલીઝ થઈ ચૂકી છે.