કિંગ અને ક્વીનની તાજપોશીની પ્રથમ વર્ષગાંઠ, 6 સ્થળોએ તોપની સલામી

લંડનઃ કિંગ ચાર્લ્સ તૃતીય અને ક્વીન કેમિલાની તાજપોશીની પ્રથમ વર્ષગાંઠ નિમિત્તે 6 મે સોમવારના રોજ બ્રિટનના 6 સ્થળો ખાતે શ્રેણીબદ્ધ ગન સેલ્યૂટ અપાઇ હતી. લંડનના ગ્રીન પાર્ક ખાતે બપોરે 41 તોપની સલામી અપાઇ હતી. આ ઇવેન્ટમાં કિંગની રોયલ હોર્સ આર્ટિલરી અને આઇરિશ ગાર્ડના બેન્ડ પણ જોડાયાં હતાં. એક કલાક બાદ બપોરે ઓનરેબલ આર્ટિલરી કંપની દ્વારા ટાવર વ્હાર્ફ ખાતે 62 તોપની સલામી અપાઇ હતી. સ્કોટલેન્ડમાં એડિનબરો ખાતેના કાર્ડિફ કેસલ ખાતે પણ કિંગને 21 તોપની સલામી અપાઇ હતી.