ગૌતમ અદાણી અને બ્રિટિશ હાઇ કમિશ્નર કેમેરન વચ્ચે મહત્વની મુલાકાત

લંડનઃ અદાણી જૂથના ચેરમેન ગૌતમ અદાણી અને ભારત ખાતે ગયા મહિને નવા નિયુક્ત થયેલા બ્રિટિશ હાઇ કમિશ્નર લિન્ડી કેમેરન વચ્ચે મુલાકાત થઇ હતી. ગૌતમ અદાણીએ જણાવ્યું હતું કે, મને ભારત ખાતેના બ્રિટિશ હાઇ કમિશ્નર લિન્ડી કેમેરન સાથે મુલાકાતનું સૌભાગ્ય પ્રાપ્ત થયું હતું. મને તેમની સાથેની મુલાકાતમાં સમગ્ર વિશ્વમાં તેમના કાર્યકાળના અનુભવો પરથી ઘણું શીખવાનું મળ્યું હતું. હું ભારત અને યુકે વચ્ચેના સંબંધો મજબૂત બનાવવામાં તેમની ભુમિકા માટે શુભેચ્છા પાઠવું છું.