લંડનઃ નોર્ધન આયર્લેન્ડમાં પહેલીવાર સિન ફિન સૌથી મોટી વેસ્ટમિન્સ્ટર પાર્ટી તરીકે ઉભરી આવી છે. આ ચૂંટણીમાં ડેમોક્રેટિક યુનિયનિસ્ટ પાર્ટીને મોટો ટકો પડ્યો છે. નેશનાલિસ્ટ પાર્ટી ગણાતી સિન ફિનને સાત બેઠક પ્રાપ્ત થઇ છે જ્યારે ડેમોક્રેટિક યુનિયનિસ્ટ પાર્ટીને 3 બેઠકનું નુકસાન થયું છે. સિન ફિન નોર્ધન આયર્લેન્ડ એસેમ્બ્લીમાં પણ સૌથી મોટી પાર્ટી છે. કાઉન્સિલ લેવલ પર પણ સિન ફિનનું પ્રભુત્વ છે.
ડીયુપીને સૌથી મોટો ફટકો નોર્થ એન્ટ્રીમમાં ઇયાન પૈસલીના પરાજયથી પડ્યો હતો. પૈસલી પરિવાર આ બેઠક પર 50 કરતાં વધુ વર્ષોથી પ્રભુત્વ ધરાવતો હતો. તેમના પિતા ઇયાન પૈસલી સીનિયર નોર્ધન આયર્લેન્ડના ફર્સ્ટ મિનિસ્ટર પણ રહી ચૂક્યાં હતાં.
નોર્ધન આયર્લેન્ડના પરિણામ
પાર્ટી – બેઠક
સિન ફિન પાર્ટી – 07
ડેમોક્રેટિક યુનિયનિસ્ટ – 05
એસડીએલપી – 02
અપક્ષ – 01
એલાયન્સ – 01
ટીયુવી – 01
યુયુપી – 01
