લંડનઃ લખનઉની કિંગ જ્યોર્જ મેડિકલ યુનિવર્સિટીના પ્રોફેસર કૌસર ઉસ્માનને યુકેમાં એડિનબરોની રોયલ કોલેજ ઓફ ફિઝિશિયન્સ દ્વારા પ્રતિષ્ઠિત બ્રાયન ચેપમેન સ્કોલરશિપથી સન્માનિત કરાયાં છે. ડિપાર્ટમેન્ટ ઓફ મેડિસિનના સીનિયર ફેકલ્ટી મેમ્બર એવા પ્રોફેસર ઉસ્માને જણાવ્યું હતું કે, આ પ્રતિષ્ઠિત સ્કોલરશિપ માટે ભારતમાંથી મારી પસંદગીનું ગૌરવ છે. આ સન્માન શૈક્ષણિક સિદ્ધી અને મેડિસિન ક્ષેત્રે રહેલી સંભાવનાઓને માન્યતા આપે છે.
પ્રોફેસર ઉસ્માને જણાવ્યું હતું કે, મને આ ફિલ્ડમાં મારા યોગદાનની ખુશી છે અને તે માટે હું પ્રતિબદ્ધ પણ છું. ડો. બ્રાયન ચેપમેનના નામે અપાતી આ સ્કોલરશિપ મેડિકલ પ્રોફેશનલ્સને સહાય માટે અપાય છે.
