યુકે સાથે મજબૂત સંબંધો માટે ભારતીય વડાપ્રધાન મોદી પ્રતિબદ્ધ

લંડનઃ ગયા સપ્તાહમાં ઇટાલીમાં આયોજિત જી-7 શિખર સંમેલનમાં વિશેષ આમંત્રણ પર પહોંચેલા ભારતના વડાપ્રધાન નરેન્દ્ર મોદી અને બ્રિટિશ વડાપ્રધાન રિશી સુનાક વચ્ચે ઉષ્માસભર મુલાકાત યોજાઇ હતી. ભારતમાં સતત ત્રીજી ટર્મ માટે વડાપ્રધાન મોદીએ જણાવ્યું હતું કે, વડાપ્રધાન રિશી સુનાકને મળીને ઘણો આનંદ થયો. એનડીએ સરકારની ત્રીજી ટર્મમાં ભારત અને યુકે વ્ચચેની વ્યૂહાત્મક ભાગીદારી વધુ મજબૂત બનાવવાની પ્રતિબદ્ધતાનો મેં પુનરોચ્ચાર કર્યો હતો.