યુકેના લેસ્ટર સ્કેવર ખાતે ડીડીએલજેનું સ્ટેચ્યુ મૂકાશે

લંડનઃ 1995માં રિલીઝ થયેલી શાહરૂખ ખાન અને કાજોલની ફિલ્મ દિલવાલે દુલ્હનિયા લે જાયેંગેએ અનેક રેકોર્ડ સર્જ્યાં હતાં. થિયેટરમાં રિલીઝના 30 વર્ષ બાદ લંડનના લેસ્ટર સ્ક્વેર ખાતે આ ફિલ્મનું બ્રોન્ઝ સ્ટેચ્યુ મૂકાશે. આ સાથે આ સિદ્ધી હાંસલ કરનારી ભારતની પહેલી ફિલ્મ બની રહેશે.

આ પહેલાં હેરી પોટર, લોરેલ એન્ડ હાર્ડી, બગ્સબની, સિંગિંગ ઇન ધ રેઇન, મેરી પોપિન્સ, મિસ્ટર બીન અને વંડર વુમન જેવી ફિલ્મોના સ્ટેચ્યુ અહીં લગાવવામાં આવ્યા હતા. આ સ્ટેચ્યુને ઓડિયન સિનેમાની બહાર મૂકાશે. અહીં ફિલ્મનો એક સીન શૂટ કરાયો હતો.