રતન ટાટા બિઝનેસ વર્લ્ડના ટાઇટનઃ જોનાથાન રેનોલ્ડ્સ

લંડનઃ યુકેના બિઝનેસ અને ટ્રેડ સેક્રેટરી જોનાથાન રેનોલ્ડ્સે રતન ટાટાને શ્રદ્ધાંજલિ આપતાં બ્રિટિશ ઉદ્યોગ જગતને નવો આકાર આપવામાં મહત્વની ભુમિકા ભજવનારા બિઝનેસ વર્લ્ડના ટાઇટન ગણાવ્યા હતા. જોનાથાને સોશિયલ મીડિયા પર જણાવ્યું હતું કે, રતન ટાટાના નિધનના સમાચારથી ઘણુ દુઃખ થયું. તેઓ સાચા અર્થમાં બિઝનેસ વર્લ્ડના ટાઇટન હતા. તેમણે બ્રિટિશ ઇન્ડસ્ટ્રીને નવો આકાર આપવામાં મહત્વની ભુમિકા ભજવી હતી. હું ટાટા ગ્રુપ, તેમના પરિવાર અને મિત્રોને દિલસોજી પાઠવું છું.