લંડન બરો ઓફ ન્યુહામ કાઉન્સિલના ૨૦ વોર્ડની ચૂંટણીઓમાં લેબર પક્ષે ૬૪ બેઠકો પર જીત મેળવી છે. જેમાં આપણા ગુજરાતી અને બાંગ્લાદેશી વ્યાપાર ધંધાથી ધમધમતી ગ્રીન સ્ટ્રીટ ઇસ્ટ બેઠક પરથી લેબર ઉમેદવાર તરીકે ગુજરાતી યુવાન મિરાજ ઉપેન્દ્રભાઇ પટેલે ૨,૩૪૭ મતોની સરસાઇ સાથે જીત મેળવી છે.
મિરાજ છેલ્લા ૨૫ વર્ષથી આ વિસ્તારમાં રહે છે અને વ્યવસાયે કાયદાશાસ્ત્રી (લોયર) છે. તેઓએ કોમ્યુનિટીને એક અચ્છા કાયદાકીય સલાહકાર તરીકે વોલન્ટીઅરી સેવાઓ આપી છે. મિરાજ ઉપેન્દ્રભાઇ પટેલ એ આણંદ જિલ્લાના મૂળ ચાંગા ગામના વતની છે અને શ્રી જલારામ બાપાના પરમ ભક્ત છે.
