બ્રિટિશ એશિયનોએ વિવિધ ક્ષેત્રમાં મેળવેલી સિદ્ધિઓને બિરદાવવા માટે એશિયન બિઝનેસ પબ્લિકેશન્સ લિમિટેડ દ્વારા દર વર્ષે એશિયન એચીવર્સ એવોર્ડનું આયોજન કરાય છે. આ વર્ષે ૧૬મો AAA સમારંભ યોગાનુયોગ વડાપ્રધાન નરેન્દ્ર મોદીના જન્મદિવસ ૧૭ સપ્ટેમ્બરે યોજાયો હતો.
આ પ્રસંગે વડાપ્રધાન નરેન્દ્ર મોદીને શુભેચ્છા પાઠવતા ABPL Groupના પ્રકાશક અને તંત્રી સી. બી. પટેલે જણાવ્યું હતું, ‘વડાપ્રધાન નરેન્દ્ર મોદી માટે આ ખાસ દિવસ છે, ભારતમાં તેમના જન્મદિનની ઉજવણી શરૂ થઈ ગઈ છે. આ ઈવેન્ટ તેમના માટેનો છે. આપણે તેમને આપણી શુભેચ્છા પાઠવીએ.’
વડાપ્રધાન મોદીને આ ઈવેન્ટ સમર્પિત કરતા સીબીના ભાષણને ‘ટાઈમ્સ ઓફ ઈન્ડિયા’ અને NDTV જેવી ભારતની જાણીતી મીડિયા સંસ્થાઓએ પ્રસિદ્ધિ આપી છે.
