લંડનઃ હિન્દુ ફોરમ ઓફ બ્રિટન દ્વારા કર્મ યોગ ફાઉન્ડેશનના સહયોગથી હાઉસ ઓફ કોમન્સ ખાતે બુધવાર,૨૬ ઓક્ટોબરની સાંજે ૪ વાગે ૧૫મા દિવાળી સેલિબ્રેશનનું આયોજન કરવામાં આવ્યું છે. બોબ બ્લેકમેન MP, લોર્ડ ધોળકિયા, વીરેન્દ્ર શર્મા MP, કેરોલિન લુકાસ MP, નાઈજેલ ડોડ્સ MP અને એન્ગસ રોબર્ટસન MP આ કાર્યક્રમના યજમાન છે.
આ બહુપક્ષીય રિસેપ્શન જ એક માત્ર એવો ઈવેન્ટ છે જેમાં સમગ્ર બ્રિટનના હિન્દુ કોમ્યુનિટીના અગ્રણીઓ, ધાર્મિક વડાઓ અને બિઝનેસ જગતની ટોચની વ્યક્તિઓ સાથે મળીને દિવાળીના પર્વની ઉજવણી કરવા માટે તમામ રાજકીય પક્ષોના સભ્યો અને ઉમરાવોને આમંત્રણ આપવામાં આવે છે. જોકે, આ રિસેપ્શનનો કાર્યક્રમ માત્ર આમંત્રિત વ્યક્તિઓ માટે રાખવામાં આવ્યો છે.
