લેસ્ટરમાં મકાનમાં આગચંપીના આરોપસર 14 વર્ષની સગીરાની ધરપકડ

લંડનઃ લેસ્ટરશાયરના બેડેલ ડ્રાઇવ ખાતેના મકાનમાં લાગેલી આગની ઘટનામાં પોલીસે આગચંપીની શંકાથી 14 વર્ષની કિશોરીની ધરપકડ કરી હતી. આ આગમાં એક વ્યક્તિનું મોત થયું હતું. લેસ્ટરશાયર પોલીસે જણાવ્યું હતું કે, મકાનમાં રહેલા અન્યોને ઇજા પહોંચી હતી જેમને હોસ્પિટલમાં સારવાર અપાઇ હતી. આ સગીરાને જામીન પર મુક્ત કરાઇ છે અને પોલીસ વધુ તપાસ કરી રહી છે. ફાયર સર્વિસ વિભાગ આગના કારણોની તપાસ કરી રહી છે.