સમગ્ર યુકેમાં દેખાયો નોર્ધન લાઇટ્સનો રમણીય નજારો

લંડનઃ ગયા સપ્તાહમાં આવેલા છેલ્લા બે દાયકાના સૌથી શક્તિશાળી સોલર સ્ટોર્મના કારણે લંડન અને એસેક્સ જેવા વિસ્તારોમાં પણ નોર્ધન લાઇટ્સનો લ્હાવો લેવાની તક મળી હતી. સામાન્ય રીતે સ્કેન્ડિનેવિયા અથવા તો સ્કોટલેન્ડના ઉત્તરના ભાગોમાં આ પ્રકારનો નજારો જોવા મળતો હોય છે. આ વખતે એડિનબરો, ગ્લાસગોથી માંડીને લંડન, એસેક્સ, કેન્ટ અને હેમ્પશાયરમાં પણ નોર્ધન લાઇટ્સ જોઇ શકાઇ હતી.