સ્પીડ લિમિટ પેનલ્ટી એવોઇડન્સ સ્કીમના ગેંગ લીડર ખુર્રમ યાકુબ સહિત 17ને કેદ

લંડનઃ સ્પીડ લિમિટ તોડવા માટે થતા દંડ અને પેનલ્ટીથી બચવા માટે વાહનચાલકો પાસેથી સેંકડો પાઉન્ડ વસૂલવાના વ્યાપક કૌભાંડના રીંગલીડર ખુર્રમ યાકુબને બ્રાડફોર્ડ ક્રાઉન કોર્ટ દ્વારા 3 વર્ષ અને 4 મહિનાની કેદ ફટકારવામાં આવી છે. આ પહેલાં ખુર્રમને વર્ષ 2021માં શસ્ત્રો રાખવા માટે 7 વર્ષની કેદ ફટકારવામાં આવી હતી જે હવે પૂરી થવાના આરે છે. આ સજાના કારણે હવે તેને વધુ સમય જેલમાં વીતાવવો પડશે. ખુર્રમ યાકુબ આલર્ટોનના વેસ્ટલેન્ડ્સ ડ્રાઇવનો વતની છે. આ કૌભાંડ સાથે સંકળાયેલા અન્ય 16 વ્યક્તિને પણ 6 થી 14 મહિનાની કેદ કરાઇ હતી.