આંધ્રનો યુવાન ટુરિસ્ટ તરીકે સ્પેસમાં જનાર પ્રથમ ભારતીય

એમેઝોનના ફાઉન્ડર જેફ બેઝોસની સ્પેસ કંપની બ્લૂ ઓરિજીને રવિવારે 6 ટુરિસ્ટોને ન્યૂ શેપર્ડ રોકેટ દ્વારા સ્પેસમાં મોકલ્યા હતા. જેમાં આંધ્ર પ્રદેશના વિજયવાડાના વતની ગોપી થોટાકુરાનો પણ સમાવેશ થાય છે. 30 વર્ષનો ગોપી ટુરિસ્ટ તરીકે સ્પેસમાં જનાર પહેલો ભારતીય બની ગયો છે. ગોપી અને તેની સાથેના પાંચ અમેરિકન માત્ર ફરવા માટે સ્પેસમાં પહોંચ્યા હતા. ગોપી પાઈલટ છે. તેણે ફ્લોરિડામાં એરોનોટિકલમાં ગ્રેજ્યુએશનની તથા દુબઈમાં એવિએશન મેનેજમેન્ટની ડિગ્રી મેળવી હતી.