નવી દિલ્હીઃ લોકસભા ચૂંટણીમાં 16 બેઠક જીતનારી ટીડીપીના પ્રમુખ ચન્દ્રાબાબુ નાયડુએ કહ્યું કે અમે એક છીએ. છેલ્લા 3 મહિનાથી વડાપ્રધાન મોદીએ ક્યારેય આરામ કર્યો નથી. સતત તેમની ઊર્જાથી કામ કરતા રહ્યા. આંધ્રમાં તેમની રેલીઓથી મોટો ફેર પડ્યો. અમે બહુમતથી ચૂંટણી જીત્યા. હું મોદીજીને ક્રેડિટ આપું છું કે તેમણે દેશને વિશ્વની પાંચમી મોટી અર્થવ્યવસ્થા બનાવ્યો. મોદીની નીતિઓને પગલે 2047 સુધીમાં ભારત ગ્લોબલ લીડર બનશે. દેશ માટે મોદી રાઈટ ટાઈમ પર રાઈટ લીડર છે. હું તેલુગુ દેશમ્ પાર્ટી વતીથી દેશના વડાપ્રધાન પદ માટે નરેન્દ્ર મોદીના નામનો પ્રસ્તાવ મૂકું છું. અમે આંધ્ર પ્રદેશમાં 95 ટકા બેઠક જીત્યા છીએ. અમારા મિત્ર પવન કલ્યાણજી અહીં છે. અમે સૌએ મળીને કામ કર્યું, તેને પરિમાણ તમારી સાથે છે. આ મારા જીવનની સૌથી ગૌરવની ક્ષણ છે’
