ફિલ્મ ઇન્સ્ટિટ્યુટના પ્રમુખપદે આર. માધવન

જાણીતા અભિનેતા અને થ્રી ઈડિયટ ફેઈમ આર. માધવનની ફિલ્મ એન્ડ ટેલિવિઝન ઇન્સ્ટિટ્યૂટ ઓફ ઇન્ડિયા (એફટીઆઈઆઈ)ના પ્રમુખ તેમ જ ગવર્નિંગ કાઉન્સિલના અધ્યક્ષપદે વરણી થઈ છે.
તાજેતરમાં જાહેર કરાયેલા નેશનલ ફિલ્મ એવોર્ડ્સમાં તેમની ફિલ્મ ‘રોકેટ્રીઃ ધ નામ્બી ઇ ફેક્ટ’ને બેસ્ટ ફીચર ફિલ્મના એવોર્ડથી નવાજવામાં આવી હતી. આ ફિલ્મનું તેમણે દિગ્દર્શન સંભાળ્યું હતું અને સાથોસાથ વિજ્ઞાની નામ્બી નારાયણનો રોલ પણ કર્યો હતો.
કેન્દ્રીય પ્રધાન અનુરાગ ઠાકરે એકસ પ્લેટફોર્મ (પૂર્વ ટ્વિટર) પર પોસ્ટ મૂકીને આ વાતની જાહેરાત કરતાં નેશનલ એવોર્ડ વિજેતા અભિનેતાને અભિનંદન આપ્યા હતા. માધવને વળતી પોસ્ટમાં સુવિખ્યાત ઇન્સ્ટિટ્યુટના પ્રમુખપદે વરણી કરવા બદલ આભાર પણ માન્યો હતો.