બેંક ઓફ બરોડા દ્વારા હવે હિન્દીમાં વોટસએપ બેંકિંગ સેવા

અમદાવાદઃ ભારતની અગ્રણી બેન્ક ઓફ બરોડાએ બેકિંગ સેવાઓને વધુ સરળ અને સુલભ બનાવવાની દિશામાં એક મહત્વપૂર્ણ પગલું ભરતાં હિન્દી ભાષામાં વોટસએપ બેકિંગ સેવા શરૂ કરી છે.
આ અનોખી સેવા સામાન્ય માણસને ધ્યાનમાં રાખીને વિકસાવવામાં આવી છે. ગ્રાહકો હવે હિન્દીમાં વોટસએપ કરીને ઘરેબેઠાં સરળતાથી અનેકવિધ બેકિંગ સુવિધાઓનો લાભ મેળવી શકશે.
આ સેવાનો લાભ મેળવવા માટે ગ્રાહકે બેંકમાં રજિસ્ટર્ડ કરાવેલા મોબાઈલ નંબર પરથી 84338 88777 ‘Hi’ મેસેજ મોકલવાનો રહેશે. આ પછી ગ્રાહકને હિન્દીમાં વોટસએપ બેકિંગ સેવા પસંદ કરવાનો વિકલ્પ મળશે.
ગ્રાહક હિન્દી ભાષામાં વોટસએપ બેકિંગ હેઠળ આપવામાં આવતી વિવિધ સુવિધાઓનો 24x7 લાભ થઈ શકશે. બેન્કના જણાવ્યા પ્રમાણે આ સેવામાં જોડાયા પછી ગ્રાહકને બેકિંગ સેવાઓ માટે બીજી કોઇ મોબાઇલ એપની જરૂર પડશે નહીં.