નૂતન વર્ષને વધાવી લેતા લંડન ખાતેના સ્વામીનારાયણ મંદિરમાં પણ રવિવારે ખાસ ઉજવણી થઈ હતી. વડા પ્રધાન બોરિસ જ્હોન્સન અને હોમ સેક્રેટરી પ્રીતિ પટેલ આ પ્રસંગે ખાસ ઉપસ્થિત રહ્યાં હતા. વડા પ્રધાન બોરિસ જ્હોન્સન પાંચમી વાર મંદિર મુલાકાતે આવ્યા હતા. મંદિરમાં બન્ને મહાનુભાવોનું પરંપરાગત રીતે સ્વાગત કરવામાં આવ્યું હતું. બન્નેએ મંદિરના ગર્ભગૃહમાં ફળોની ભેટ ચઢાવીને અભિષેક પણ કર્યો હતો.
