BAPS શ્રી સ્વામિનારાયણ સંસ્થાના વડા પૂ. મહંત સ્વામી હાલ નેનપુર ખાતે બિરાજમાન છે. દેશ-વિદેશમાં રહેતા હરિભક્તો પૂ. મહંત સ્વામીની પ્રાતઃપૂજાના દર્શનનો વેબકાસ્ટીંગના માધ્યમ દ્વારા લાભ લઈ રહ્યા છે. તાજેતરમાં નોર્થ અમેરિકાના રોબિન્સવિલમાં BAPS સ્વામિનારાયણ અક્ષરધામ મહામંદિરની આમલક પૂજન વિધિ યોજાઈ હતી. પૂ. મહંત સ્વામીએ વીડિયો કોન્ફરન્સિંગના માધ્યમથી તેમાં ભાગ લીધો હતો. તેનું લાઈવ પ્રસારણ દુનિયાભરના BAPS મંદિરોના સાધુઓ અને હરિભક્તોએ નિહાળ્યું હતું. પૂ. મહંત સ્વામીએ સૌને આશીર્વાદ પાઠવ્યા હતા. પૂ. મહંત સ્વામી નેનપૂરમાં રહ્યા રહ્યા સત્સંગના વિવિધ કાર્યક્રમોમાં હાજરી આપે છે. દર રવિવારે સાંજે ૫.૩૦થી ૭ દરમિયાન યોજાતી સત્સંગ સભામાં આશીર્વચનો, વિવિધ સંતોના વ્યાખ્યાનો તેમજ કિર્તનોનો લાભ હરિભક્તો પ્રાપ્ત કરી રહ્યા છે. sabha.baps.org અને live.baps.org પરથી સમયાંતરે કાર્યક્રમો પ્રસારિત થાય છે.
