BAPS શ્રી સ્વામિનારાયણ સંસ્થાના વડા પૂ. મહંત સ્વામી હાલ નેનપુર ખાતે બિરાજમાન છે. દેશ-વિદેશમાં રહેતા હરિભક્તો પૂ. મહંત સ્વામીની પ્રાતઃપૂજાના દર્શનનો વેબકાસ્ટીંગના માધ્યમ દ્વારા લાભ લઈ રહ્યા છે. તાજેતરમાં સંસ્થા દ્વારા ‘સત્સંગ દીક્ષા’ વિશે અખિલ ભારતીય સંપૂર્ણ શ્લોક મુખપાઠ સ્પર્ધા ૨૦૨૦નું આયોજન કરાયું હતું. પૂ. મહંત સ્વામીએ વર્ચ્યુઅલ કાર્યક્રમમાં ભાગ લેનાર સૌને આશીર્વાદ પાઠવ્યા હતા. સ્પર્ધામાં ૧૬ યુવક અને ૧૨ યુવતી વિજેતા થયા હતા. પૂ. મહંત સ્વામી નેનપૂરમાં રહ્યા રહ્યા સત્સંગના વિવિધ કાર્યક્રમોમાં હાજરી આપે છે. દર રવિવારે સાંજે ૫.૩૦થી ૭ દરમિયાન યોજાતી સત્સંગ સભામાં આશીર્વચનો, વિવિધ સંતોના વ્યાખ્યાનો તેમજ કિર્તનોનો લાભ હરિભક્તો પ્રાપ્ત કરી રહ્યા છે. sabha.baps.org અને live.baps.org પરથી સમયાંતરે કાર્યક્રમો પ્રસારિત થાય છે.
