લેસ્ટરઃ લેસ્ટરશાયરના સનાતન મંદિરની ગોલ્ડન જ્યુબિલી વર્ષગાંઠને ઉજવવા ભક્તજનો મોટી સંખ્યામાં શનિવાર 29 જૂને એકત્ર થયા હતા. આ ઊજવણી કાર્યક્રમમાં ડીઆરાકાથી પૂજ્ય શ્રી કેશવાનંદજી મહારાજ અને પૂજ્ય શ્રી ભરત ભગતજી મહારાજ જેવા પવિત્ર સંતજનો તેમજ લેસ્ટરના પોલીસ અને ક્રાઈમ કમિશનર મિ. રુપર્ટ મેથ્યુઝ, કોમ્યુનિટીના અગ્રણીઓ અને કાઉન્સિલર્સ ઉપસ્થિત રહ્યા હતા. મંદિરના પ્રેસિડેન્ટ રમણભાઈ બાર્બર MBE અને તેમના નિષ્ઠાવાન ટીમ મેમ્બર્સે આ પ્રસંગે અમૂલ્ય યોગદાન આપ્યું હતું.
