વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ ઘણા સમયથી ચાલતી સમસ્યાનો અંત આવે. હવે મન થોડું હળવાશ અનુભવશે. તમારી યોજનાઓ સફળ થતી જોઈ શકશો. આર્થિક સ્થિતિમાં પણ સુધારો આવે. નોકરી-વ્યવસાયમાં તમારા ધારેલા કાર્યોને પૂર્ણ કરવાનો સમય આવી ગયો છે. વ્યાપારમાં નવા યુનિટની શરૂઆત કરવા માટેની આર્થિક સહાયતા મેળવી શકશો. પ્રવાસ-પર્યટનના આયોજન સફળ બનાવી શકશો.
• વૃષભ (બ,વ,ઉ)ઃ સપ્તાહ દરમિયાન નકારાત્મક કે નેગેટીવ એનર્જીવાળા લોકોથી દૂર રહેવું હિતાવહ રહેશે. કોઈની સાથે ખોટી જીભાજોડીમાં ન ઉતરવા સલાહ છે. નોકરિયાતે પોતાના કામ પ્રત્યે વધુ કૃતજ્ઞતાની ભાવના જાળવી રાખવી હિતાવહ રહેશે. વ્યવસાય ક્ષેત્રે કોઈ મહત્ત્વપૂર્ણ સોદાઓ થાય તેવી સંભાવના છે.
• મિથુન (ક,છ,ઘ)ઃ આ સપ્તાહે સામાજિક ગતિવિધિમાં વધુ પડતા વ્યસ્ત રહેશો. જમીન-મકાનને લગતી સમસ્યા ઉકેલવા વધુ દોડધામ કરવી પડશે. આર્થિક સ્થિતિમાં સુધારો જોવા મળશે. વ્યવસાયિક રીતે તમારે કામની ગુણવત્તાને વધારવાની જરૂરિયાત રહેશે. નોકરી-કારકીર્દિને લગતી સમસ્યાઓનું અહીં સમાધાન થતું જોવા મળશે.
• કર્ક (ડ,હ)ઃ આ સપ્તાહ પ્રગતિજનક પુરવાર થશે. તમારી જવાબદારીઓ સારી રીતે અદા કરી શકશો. સંતાનોનાં પ્રશ્નો કે પરેશાનીને હલ કરવામાં તમારું માર્ગદર્શન મહત્ત્વપૂર્ણ સાબિત થાય. નાણાકીય રીતે જોતાં આ સમયમાં બેલેન્સ જાળવી રાખવું જરૂરી છે, નહીં તો ખોટા ખર્ચાના ખાડામાં ઉતરી શકો છો. નોકરિયાત વર્ગને પોતાના કાર્યક્ષેત્રે વધુ પરિશ્રમ કરવો પડશે. ધંધાકીય રીતે આ સમય દરમિયાન સારી એવી તકો હાથ લાગશે.
• સિંહ (મ,ટ): સપ્તાહ દરમિયાન કાર્યક્ષેત્રે હરીફાઈ તેમજ સ્પર્ધકોના લીધે થોડી સમસ્યા ઊભી થઈ શકે છે. જેનો સામનો મજબૂત મનોબળ રાખીને કરવો જરૂરી રહેશે. નાણાકીય સ્થિતિ અહીં મજબૂત બનતી જોવા મળશે. કરિયર સંદર્ભે કોઈ અનુભવીની સલાહ લઈ આગળ વધવાથી સફળતા મેળવી શકશો.
• કન્યા (પ,ઠ,ણ)ઃ આ સપ્તાહે નવા કાર્યોની શરૂઆત માટે સમય યોગ્ય રહેશે. કોઈ મોટી તક હાથ આવે તો ચૂકશો નહીં. વ્યાપાર- ધંધામાં નાણાકીય સહાયતા મેળવવામાં સફળ થઈ શકશો. વિદેશમાં ઉચ્ચ શિક્ષા માટેની વિદ્યાર્થીઓની ઇચ્છા હવે પૂર્ણ થતી જોવા મળે. નોકરિયાત વર્ગને કામમાં થોડી રાહત મળશે.
• તુલા (ર,ત)ઃ તમારી અંદર ભરપૂર આત્મવિશ્વાસનો અનુભવ કરશો. કોઈક સુખદ સમાચાર પ્રાપ્ત થાય. સમયનો ભરપૂર ઉપયોગ સફળતા અપાવશે. નોકરી-વ્યવસાયમાં અણધાર્યા કાર્યો પૂર્ણ કરી શકશો. નાણાકીય રીતે સમય ઘણો સારો રહેશે. ઘરનું વાતાવરણ પણ સુખમય બનતું જોવા મળશે.
• વૃશ્ચિક (ન,ય)ઃ તમારી મહેનત અને ભાગ્ય આ સમયમાં તમને ભરપૂર સાથ આપશે. વડીલોના અનુભવ અને માર્ગદર્શનથી આગળ વધશો તો ફાવશો. વ્યવસાયિક ક્ષેત્રમાં મહત્ત્વપૂર્ણ નિર્ણયો લેતી વખતે થોડી કાળજી રાખવી જરૂરી. શેરબજાર સંબંધિત કાર્યોમાં થોડી સાવચેતી રાખશો.
• ધન (ભ,ફ,ધ,ઢ)ઃ આ સમયમાં માનસિક રીતે થોડી હળવાશ અનુભવાય. સ્વસ્થતા અને સક્રિયતાનો અનુભવ કરશો. નોકરિયાત વ્યક્તિએ થોડું સાવચેતી રાખીને કામગીરી કરવી જરૂરી રહેશે. નહીં તો થોડીઘણી નુકસાની વેઠવી પડશે. વ્યવસાયમાં ભાગીદારીથી લાભ રહેશે. સામાજિક કાર્યમાં જોડાયેલી વ્યકિતઓ થોડો વ્યસ્ત સમય પસાર થાય.
• મકર (ખ,જ)ઃ સપ્તાહ દરમિયાન ભાવનામાં વહી જઈને કોઈની વાતોમાં આવશો નહીં. તમે જાતે થોડું વિચારીને આગળ વધશો. આકસ્મિક ખર્ચાઓ વધતા જોવા મળશે. વ્યવસાયિક કાર્યોમાં તમારા નિર્ણયો થકી લાભ થાય. નોકરી-કરિયરની બાબતમાં તમે જેટલું ધારો છો એટલું સરળતાથી કામ પાર પડશે નહીં.
• કુંભ (ગ,શ,સ,ષ)ઃ આ સમય થોડી ઉદાસીનતાનો અનુભવ કરાવશે. તમારા ધ્યેયને પહોંચી ન વળતા થોડી હતાશાનો અનુભવ થાય. જોકે નકારાત્મકતાથી દૂર રહેશો તો થોડી ઘણી સ્વસ્થતતા પ્રાપ્ત કરી શકશો. નાણાકીય રીતે થોડી શાંતિ રહેશે. અટવાયેલાં નાણાં પરત મેળવશો. વિદ્યાર્થીઓ માટે સમય ઉત્તમ.
• મીન (દ,ચ,ઝ,થ)ઃ નાણાકીય રીતે કપરો સમય. ધંધા-વ્યવસાયમાં ઉતાર-ચઢાવ આવશે. આ સમય પ્રવાસ-પર્યટન માટે ઘણો સારો જણાય છે. કાર્યક્ષેત્ર વધુ પરિશ્રમ કરવો પડશે. સંતાનોના પ્રશ્નોને કે પરેશાનીઓને હલ કરવા તમારું માર્ગદર્શન મહત્ત્વપૂર્ણ સાબિત થાય.
