વાંચો, આ સપ્તાહે આપના ગ્રહોનું ફળકથન
• મેષ (અ,લ,ઈ)ઃ આપનું આ સપ્તાહ પ્રગતિકારક રહેશે. તમારી જવાબદારી સારી રીતે અદા કરી શકશો. સંતાનોના પ્રશ્નો હલ કરવામાં તમારું માર્ગદર્શન મહત્ત્વપૂર્ણ સાબિત થાય. નાણાંકીય મામલે આ સમયમાં બેલેન્સ જાળવવું જરૂરી છે, નહીં તો ખર્ચના ખાડામાં ઉતરી શકો છો. નોકરિયાત વર્ગને પોતાના કાર્યક્ષેત્ર ઉપર વધુ પરિશ્રમ કરવો પડશે. ધંધાકીય રીતે આ સમય દરમિયાન સારી એવી તકો લાગશે.
• વૃષભ (બ,વ,ઉ)ઃ સપ્તાહ દરમિયાન સામાજિક ગતિવિધિમાં વધુ વ્યસ્ત રહેશો. જમીન-મકાનને લગતી સમસ્યાનો ઉકેલ શોધવા વધુ દોડધામ કરવી પડશે. આર્થિક સ્થિતિમાં સુધારો જોવા મળશે. વ્યવસાયિક રીતે તમારે કામની ગુણવત્તાને વધારવાની જરૂરિયાત રહેશે. નોકરી-કરિયરને લગતી સમસ્યાનું સમાધાન થતું જોવા મળશે. સારી જગ્યાએથી કામની ઓફર મેળવી શકશો. સ્વાસ્થ્ય બાબતે થોડી વધુ કાળજી રાખવી પડશે.
• મિથુન (ક,છ,ઘ)ઃ આ સપ્તાહે નકારાત્મક કે નેગેટિવ એનર્જીવાળા લોકોથી દૂર રહેવું હિતાવહ રહેશે. કોઈની સાથે ખોટી જીભાજોડીમાં ન ઉતરવા સલાહ છે. નોકરિયાત વ્યક્તિને પોતાના કામ પ્રત્યે વધુ કૃતજ્ઞતાની ભાવના જાળવી રાખવી હિતાવહ રહેશે. વ્યવસાયિક રીતે કોઈ મહત્ત્વપૂર્ણ સોદા થાય એવી સંભાવના રહેશે. ફાઈનાન્સના મામલે પણ આપને ક્યાંકથી મદદ મળી શકશે.
• કર્ક (ડ,હ)ઃ આળસ ખંખેરીને હવે કામ પર લાગી જવાનો સમય છે. દરેક કાર્યોમાં દ્રઢ મનોબળથી આગળ વધશો તો સફળતા પ્રાપ્ત કરી શકશો. આર્થિક રીતે આ સમય નહીં નફો, નહીં નુકસાનનો રહેશે. નોકરી-ધંધામાં નવા પ્રોજેક્ટ્સ પર કામ કરવાની તક મળશે. પારિવારિક શુભ પ્રસંગોને કારણે મનોસ્થિતિ હળવી થતી જણાય. સંબંધોમાં નવીનતા લાવવાનો પ્રયાસ કરવો.
• સિંહ (મ,ટ)ઃ આ સમયમાં કાર્યક્ષેત્રે હરીફાઈ અને સ્પર્ધકો તરફથી થોડી સમસ્યા ઊભી થઈ શકે છે. જોકે તેનો સામનો મજબૂત મનોબળ રાખીને કરવો જરૂરી છે. આર્થિક સ્થિતિ મજબૂત બનતી જોવા મળશે. કરિયર સંબંધિત અનુભવીની સલાહ લઈને આગળ વધશો તો સફળતા નિશ્ચિત છે. જીવનસાથી સાથેના સંબંધોમાં સુધાર આવે. જમીન-મકાનના પ્રશ્નો થોડીઘણી અડચણ બાદ હલ થાય.
• કન્યા (પ,ઠ,ણ)ઃ નવા કાર્યોની શરૂઆત માટે આ સમય યોગ્ય રહેશે. કોઈક મોટી તક મળે તો ઝડપી લેશો. વ્યાપાર-ધંધામાં નાણાંકીય સહાયતા મેળવવામાં સફળ થશો. વિદેશમાં ઉચ્ચ શિક્ષા માટેની વિદ્યાર્થીઓની ઈચ્છા હવે પૂર્ણ થતી જોવા મળે. નોકરિયાત વર્ગને કામમાં થોડી રાહત મળશે. કોર્ટ-કચેરીના કાર્યોમાં વિજય પ્રાપ્ત થાય. નાના પ્રવાસનું આયોજન સફળ થાય.
• તુલા (ર,ત)ઃ સપ્તાહ દરમિયાન ભરપૂર આત્મવિશ્વાસનો અનુભવ કરશો. કોઈ સુખદ સમાચાર પ્રાપ્ત થાય. સમયનો ભરપૂર ઉપયોગ સફળતા અપાવે. નોકરી-વ્યવસાયમાં ન ધારેલાં કાર્યો પૂર્ણ કરી શકશો. નાણાંકીય રીતે સમય ઘણો સારો રહેશે. ઘરનું વાતાવરણ પણ સુખમય બનતું જોવા મળે. માતા-પિતાના સ્વાસ્થ્યને લઈને થોડીઘણી ચિંતા રહેશે. પારિવારિક સંપત્તિની સમસ્યાઓ હલ થાય.
• વૃશ્ચિક (ન,ય)ઃ તમારી મહેનત અને ભાગ્ય આ સમયમાં ભરપૂર સાથ આપશે. વડીલોના અનુભવ અને માર્ગદર્શનથી આગળ વધશો તો ફાવશો. વ્યવસાયિક ક્ષેત્રમાં મહત્ત્વપૂર્ણ નિર્ણયો લેતી વખતે થોડી કાળજી રાખશો. શેરબજાર સંબંધિત કાર્યોમાં થોડું ધ્યાન રાખવું જરૂરી છે. જમીન-મકાનના સોદાથી ફાયદો થાય. પ્રવાસ-પર્યટનથી લાભયોગ છે.
• ધન (ભ,ફ,ધ,ઢ)ઃ આ સમયમાં માનસિક હળવાશ વર્તાય. સ્વસ્થતા અને સક્રિયતામાં પોઝિટિવ ફેરફાર જોઈ શકશો. નોકરિયાત વ્યક્તિએ થોડીક સાવચેતી રાખીને કામગીરી કરવી જરૂરી છે, નહીં તો થોડીઘણી નુકશાની વેઠવી પડશે. વ્યવસાયમાં ભાગીદારીથી લાભ રહેશે. સામાજિક કાર્યોમાં જોડાયેલી વ્યક્તિઓ માટે થોડોક વ્યસ્ત સમય પસાર થાય. કૌટુંબિક સમસ્યાનો ઉકેલ આવશે. આરોગ્ય સાચવવું જરૂરી.
• મકર (ખ,જ)ઃ આ સપ્તાહે ભાવનાઓમાં વહી જઈને કોઈની વાતોમાં આવશો નહીં. થોડુંક વિચારીને આગળ વધશો. નાણાંકીય ખર્ચાઓ વધતાં જોવા મળશે. વ્યવસાયિક કાર્યોમાં તમારા નિર્ણયોથી લાભ થાય. નોકરી-કરિયરની બાબતમાં તમે જેટલું ધારો છો એટલું સરળતાથી કામ પાર પડશે નહીંય જોકે નિરાશ થવાની જરૂર નથી. પ્રયત્નો ચાલુ રાખશો. કુટુંબ સાથે થોડો સમય વિતાવશો તો હળવાશ અનુભવશો.
• કુંભ (ગ,સ,શ,ષ)ઃ આ સમય થોડો ઉદાસીનતામાં પસાર થાય. ધ્યેય હાંસલ ન થતાં થોડી હતાશાનો અનુભવ થાય. જોકે નકારાત્મક્તાથી દૂર રહેશો તો સ્વસ્થતા પ્રાપ્ત કરી શકશો. નાણાંકીય રીતે થોડી શાંતિ રહેશે. અટવાયેલાં નાણાં પરત મેળવશો. વાહન-મિલકત અંગેની સમસ્યાનો ઉકેલ મળતા હજી થોડી વાર લાગશે. વ્યવસાયિક ક્ષેત્રે થોડાઘણાં વિઘ્નોને બાદ કરતાં તમારા કાર્યો પૂર્ણ થાય.
• મીન (દ,ચ,ઝ,થ)ઃ ઘણા સમયથી ચાલતી સમસ્યાનો અંત આવે, જેના કારણે મન થોડી હળવાશ અનુભવશે. તમારી યોજના સફળ થતી જોઈ શકશો. આર્થિક સ્થિતિમાં પણ સુધારો જોવા મળશે. નોકરી-વ્યવસાયમાં તમારા ધારેલાં કાર્યોને પૂર્ણ કરવાનો સમય આવી ગયો છે. વ્યાપારમાં નવા યુનિટની શરૂઆત કરવા માટેની આર્થિક સહાયતા મેળવશો. પ્રવાસ-પર્યટનના આયોજન સફળ બનાવી શકશો.
