વાંચો, આ સપ્તાહે આપના ગ્રહોનું ફળકથન...
• મેષ (અ,લ,ઇ)ઃ આ સમય ભાગ્યોદયકારક છે. દરેક કાર્યોમાં જીવનસાથીનો સહયોગ મેળવશો. વ્યવસાયિક ક્ષેત્રોમાં ભાગીદારો થકી લેણાદેણી સારી રહેશે. આવનાર સમયમાં પ્રોપર્ટીને લગતાં કામકાજોમાં ફાયદો થાય. નોકરીના ક્ષેત્રમાં થોડી તકેદારી રાખવી જરૂરી. આર્થિક રીતે સમય સારો રહેશે. ગુસ્સા પર થોડુંક નિયંત્રણ રાખશો તો દરેક કાર્યોમાં સફળતા મેળવી શકશો. સ્વાસ્થ્યસંબંધી સામાન્ય ચિંતા રહેશે.
• વૃષભ (બ,વ,ઉ)ઃ મનોસ્થિતિ વધુ મજબૂત બનતાં નવી એનર્જી અને સ્વસ્થતાનો અનુભવ કરશો. મીડિયા કે કલાક્ષેત્રમાં કામ કરતી વ્યક્તિઓ માટે આ સમય ખૂબ જ બળવાન કહી શકાય. વ્યવસાયિક કામગીરીમાં થોડી પરેશાનીઓનો સામનો કરવો પડે. નાણાકીય રીતે સમય મધ્યમ છે. આરોગ્ય બાબતે ખાસ કાળજી જરૂરી છે. કોર્ટ-કચેરીમાં નુકસાની વેઠવી પડે. લગ્નવિષયક સમસ્યાનો ઉકેલ મેળવશો.
• મિથુન (ક,છ,ઘ)ઃ આ સમય મિશ્ર ફળ આપનારો રહેશે. વેપાર-ધંધાના ક્ષેત્રે આર્થિક સમસ્યાનો સામનો કરવો પડશે. આપના મન પર ભારણનો અનુભવ થાય. કૌટુંબિક જવાબદારીઓ કે માંગલિક પ્રસંગોથી થોડી હળવાશ વર્તાય. નોકરીના ક્ષેત્રમાં વિરોધીઓ સામે વિજય પ્રાપ્ત થાય. મુસાફરી-પ્રવાસના કારણે વ્યવસાયમાં ફાયદો થાય. કોઈક અંગત વ્યક્તિનો સહયોગ આત્મવિશ્વાસમાં વધારો કરવામાં મદદરૂપ બનશે.
• કર્ક (ડ,હ)ઃ કોઈક જૂના મિત્રો સાથે મુલાકાતના પ્રસંગો બળવાન બનશે. કાળજીપૂર્વકની યોજનાઓ વ્યવસાયમાં સફળતા અપાવશે. નાણાકીય સ્થિતિ વધુ મજબૂત બનતી જણાશે. નોકરીના ક્ષેત્રમાં ઈચ્છિત સ્થાન પ્રાપ્ત કરી શકશો. કૌટુંબિક મિલકતથી લાભ થાય. નવા મૂડીરોકાણ શક્ય બને. સંતાનોના અભ્યાસના પ્રશ્નો હલ થાય. ધાર્મિક ક્ષેત્રની મુલાકાત-પ્રવાસ શક્ય બનશે.
• સિંહ (મ,ટ): આ સમયમાં જીવનની અતિ મહત્ત્વપૂર્ણ બાબતો સાકાર થતી જોઈ શકશો. ડ્રીમ હોમની ખરીદી શક્ય બનશે. લોટરી-શેર કે અન્ય ક્ષેત્રે રોકાયેલાં નાણાં પરત મળશે. આર્થિક સ્થિતિ વધુ મજબૂત થાય. નોકરી-વ્યાપારના ક્ષેત્રમાં પણ ફાયદાકારક તકો હાથ લાગે. વ્યવસાયિક વ્યસ્તતામાં વધારો થતો જોવા મળશે. અધૂરાં કાર્યો પૂરાં થતાં જોઈ શકશો. સંતાનના પ્રશ્નોનું નિરાકરણ આવશે. વિદ્યાર્થીઓ પણ ઘણા સારા સમાચાર મેળવે તેવા યોગો છે. ઈચ્છિત સફળતા પ્રાપ્ત કરશો.
• કન્યા (પ,ઠ,ણ)ઃ આ સમયના ગ્રહયોગોની અનુકૂળતા પ્રમાણે મિશ્ર પરિણામ મેળવશો. આર્થિક સદ્ધરતામાં વધારો થાય પણ સાથે સાથે મનની ચિંતામાં પણ વધારો થશે. કોઈ ખાસ કારણોસર આપ ટેન્શનનો અનુભવ કરશો, પણ એ લાંબો સમય રહેશે નહીં. નોકરિયાત વર્ગને હરીફાઈનો સામનો કરવા તૈયાર રહેવું પડશે. વ્યાપાર ક્ષેત્રમાં નવી ખરીદી શક્ય બનશે. મિલકતની લે-વેચના બિઝનેસમાં તેજીનો સમય આવે. કોર્ટ-કચેરીથી થોડું સંભાળવું, હજી આપના પક્ષમાં નિર્ણય આવતાં વાર લાગશે. યાત્રા-પ્રવાસના આયોજન થાય.
• તુલા (ર,ત)ઃ આ સમયમાં લાંબા સમયથી અટવાયેલી પ્રવાસની ઈચ્છાઓ સાકાર થાય. આપની ખુશીમાં વધારો થાય. ચિંતાઓ દૂર થાય અને નવા ફ્રેશ વાતાવરણમાં કામની શરૂઆત થાય. નોકરીના ક્ષેત્રમાં પણ બઢતી પ્રાપ્ત કરશો. સામાજિક-ધાર્મિક કાર્યોમાં ભાગ લઈ શકશો. આર્થિક સ્થિતિમાં કોઈ નુકસાનીનો ભય નથી. તંદુરસ્તીના મામલે સજાગ બનશો. વિદ્યાર્થી વર્ગને પરદેશમાં અભ્યાસની તક મળશે. કોર્ટ-કચેરીમાં સફળતાના યોગ છે.
• વૃશ્ચિક (ન,ય)ઃ માર્ગ આડેના વિઘ્નો હવે દૂર થાય. કોઈક અતૂટ શક્તિનો ફોર્સ આપના કાર્યોમાં અપાર સફળતા અપાવે. આર્થિક સ્થિતિને વધુ મજબૂત બનાવી શકશો. મોજશોખના સાધનોની ખરીદી શક્ય બનશે. નોકરીના ક્ષેત્રમાં ઈચ્છિત સફળતા હાંસલ કરશો. વ્યાપારમાં પણ નવી ઓફરો મળતાં પ્રસન્નતા વધશે. માંગલિક પ્રસંગો થકી વાતાવરણ આનંદમય બની રહેશે. વિદ્યાર્થીઓ માટે ઉચ્ચ અભ્યાસના નિર્ણયોમાં ઈચ્છિત સ્થાનની પૂર્તતા શક્ય બને. એકંદરે આ સપ્તાહ ઉત્સાહભર્યું રહેશે.
• ધન (ભ,ફ,ધ,ઢ)ઃ આ સમય અકારણ ચિંતાજનક રહે. સ્વાસ્થ્યને લઈને પણ થોડી ચિંતા સતાવશે. આકસ્મિક અણબનાવને કારણે મનમાં ભારણ વર્તાય. જોકે, આપનું ધ્યાન બીજા કાર્યોમાં વ્યસ્ત રાખશો તો થોડી રાહત અનુભવશો. નોકરી-વ્યવસાયના ક્ષેત્રે સમય મધ્યમ રહેશે. આર્થિક મામલે કોઈ મોટા ફેરફારના યોગ જણાતા નથી. સંતાનોના અભ્યાસને લઈને ચિંતા હશે તો દૂર થતી જણાય. માંગલિક પ્રસંગોના લીધે ઉત્સાહ અને આનંદ વધે. કોર્ટ-કચેરીના કાર્યો હજી અટવાયેલાં રહેશે.
• મકર (ખ,જ)ઃ આ સમય મધ્યમભાવ વાળો રહેશે. નોકરીના ક્ષેત્રમાં નવીન તકો મળતાં થોડી વધુ જવાબદારી ઊભી થાય. ખૂબ મહેનત થકી આપ સફળતા હાંસલ કરશો. આપની કામગીરી સહુ કોઇ પ્રભાવિત થશે. વ્યવસાયિક ક્ષેત્રમાં થોડું મંદીવાળું વાતાવરણ અનુભવાય. જોકે, આવશ્યક આર્થિક સહાય મેળવી શકશો. વિદ્યાર્થીઓને પરિણામ મેળવવા માટે હજી થોડું મોડું થાય. કોર્ટ-કચેરીમાં મિલકત સંબંધી વિવાદો હશે તો એ દૂર થાય, પરિણામ આપના પક્ષમાં આવે.
• કુંભ (ગ,શ,સ,ષ)ઃ સતત મૂંઝવણોમાંથી આ સમય દરમિયાન ક્રમશઃ બહાર આવી શકશો. કોઈ મિત્રો સાથે મિલન-મુલાકાતથી જૂના સંસ્મરણોની યાદ તાજી થાય. નાણાકીય રીતે પરિસ્થિતિ વધુ મજબૂત બનતી જણાય. લાંબા સમયથી અટવાયેલાં નાણાં પરત મળશે. પરિવારમાં લગ્નપ્રસંગને કારણે દોડધામ વધશે. વ્યવસાયિક ભાગીદારી આપને ફાયદો કરાવશે. નવા પ્રવાસના આયોજનો થાય. વિદ્યાર્થીઓને કોઈ શુભ સમાચાર મળી શકે છે. પ્રોપર્ટીના પ્રશ્નો હલ થાય.
• મીન (દ,ચ,ઝ,થ)ઃ આ સમયમાં આપની કામગીરીને કારણે ઉપલા અધિકારી તરફથી સરાહના મેળવી શકશો. પરિવાર તરફથી પણ દરેક કાર્યોમાં મદદ પ્રાપ્ત કરી શકશો. સંબંધીઓ સાથે વિવાદ દૂર થતો જણાય. નોકરીના ક્ષેત્રમાં ઈચ્છિત પ્રમોશન અંગેની ચર્ચા આગળ વધશે. વેપારના ક્ષેત્રમાં પણ પ્રગતિકારક તકો હાથ લાગશે. નાણાકીય મામલે સદ્ધરતા પ્રાપ્ત થાય. સંતાનોના લગ્નવિષયક કે અભ્યાસ અંગેના પ્રશ્નોનો ઉકેલ લાવી શકશો. એકંદરે આ સપ્તાહ ઉત્સાહમય પસાર થશે.
