દર્દી (ડોક્ટરને): સાહેબ તમે આ ચિઠ્ઠીની પાછળ લખેલી દવા મને ક્યાંય નથી મળતી. ડોક્ટરે પ્રિસ્ક્રિપ્શન લઈને ચેક કર્યું અને પછી કહ્યું: અરે એ તો હું મારી પેન ચાલુ છે કે બંધ એ ચેક કરી રહ્યો હતો!
•••
ભૂરોઃ હેલ્લો... આજે સાંજે ઓફિસનું કામ કર્યા પછી શું કરે છે?
લીલીઃ કંઈ ખાસ નહીં... કંઈ પ્લાન છે?
ભૂરોઃ હા, સાહેબે આ ફાઈલ આપી છે. વાંચીને રિપોર્ટ બનાવી દેજે.
•••
છોકરી: જાનુ, ગૂગલ મેલ છે કે ફીમેલ?
છોકરો: બેબી, ગૂગલ ફીમેલ હોય છે.
છોકરી: એમ કઇ રીતે?
છોકરો: કારણ કે વાક્ય પૂરું થાય તે પહેલાં જ તે સજેશન શરૂ કરી દે છે.
•••
એક કંજૂસને વીજળીનો કરંટ લાગ્યો.
પત્ની: તમે ઠીક તો છો ને?
કંજૂસઃ એ બધું છોડ, પહેલાં જઇને મીટર ચેક કર કે કેટલા યુનિટ વધી ગયા છે.
•••
ગર્લફ્રેન્ડે બોયફ્રેન્ડને ફોન કર્યો.
છોકરો: હા બોલ, કેટલાનું રિચાર્જ કરાવું?
છોકરીઃ તને શું લાગે છે હું દરેક વખતે રિચાર્જ કરાવવા જ ફોન કરું છું?
છોકરો: તો બીજું શું છે?
છોકરી: મેં બે ડ્રેસ જોયા છે, તે અપાવી દે.
•••
ચંગુ: લોકો ખોટું કહે છે કે પત્નીઓ પોતાની ભૂલ નથી માનતી
મંગુ: એમ, તારી પત્ની શું કહે છે?
ચંગુ: હંમેશા કહે છે કે તમારી સાથે લગ્ન કર્યા એ મારી મોટી ભૂલ હતી!
•••
નવોઢાએ લગ્નના બીજા દિવસે પતિને કહ્યુંઃ સાંભળો છો, મારે છૂટાછેડા જોઈએ.
પતિ: લગ્નના બીજા દિવસે છૂટાછેડા?!
પત્ની: તો શું, લગ્નના ફોટા પર લાઇક્સ જ નથી મળી.
•••
ચંગુ: ભાઈ, સમોસા ખાઈશ?
મંગુ: ના ભાઈ, આજે મારે ઉપવાસ છે
ચંગુ: અરે મારા તરફથી છે યાર...
મંગુ: એમ... તો મીઠી ચટણી વધુ નખાવજે.
•••
ભૂરોઃ હું એક વખત મંત્રી બની ગયો પછી આખો સમાજ બદલી નાંખીશ.
લીલીઃ પહેલાં તમે આ મારો પ્લાઝો પહેરી લીધો છે એ બદલીને તમારો લેંઘો પહેરો.
•••
ભૂરોઃ માતા અને પત્નીમાં શુ તફાવત છે?
જીગોઃ માતા બોલતાં શીખવાડે અને પત્ની ચૂપ થતાં.
•••
